LÉON & LENA

4 Schauspiller/innen spillen d’Geschicht vum Léonce a Lena, en Theaterstéck vum Georg Büchner. Geschriwen am Fréijoer 1836. De Kinnek Péiter vum Kinnekräich Popo, wënscht sech, dass säi Bouf, de Prënz Léon - d’Prinzessin Lena vum Kinnekräich Pipi bestiit. Mee de Prënz Léon, schwéier gelangweilt vun der Welt, béckst aus. Mam Valerio, deem säi Liewen aus Iessen a Faulsinn äh Liddregsinn besteet. Si ginn zesummen an Italien. Och d’Lena leeft fort. Mat sénger Gouvernante. De Léon an d’Lena treffen sech, ouni sech ze erkennen.Si verléiwen sech an décidéieren, sech ze bestueden. Keng symmetresch, keng logesch Welt. Eng Welt voller Widersprëch. En Denken an eng Sprooch, déi sech lues a lues zersetzen. Vläicht kann een net oft genuch „Mound“ soen. E Mound, deen een ophängt, fier sech dru festzehaalen.